Denne veka legg mange barnehageborn siste hand på kunstverka sine før opninga av årets barnekunstutstilling i Aasentunet. Nokre kunstverk er allereie på plass, og konstituert arenaleiar Ida Karin Aarflot Kornberg er imponert over kreativiteten og symbolbruken. Denne gongen er verka inspirerte av barneboka «Eit hjarte til jul» av forfattar Line Dybedal og illustratør Line Renslebråten.

I samband med Landslovjubileet 2024 blir det stilt ut eit sjeldan mellomalderdiplom frå Bjørkedalen, datert til år 1367, i Aasentunet frå 14. til 17. november.

Laurdag 31. august og søndag 1. september inviterer Aasentunet til arkitekturhelg for å markere at det er 100 år sidan arkitekten Sverre Fehn vart fødd. Alt av program og inngang til museet er gratis denne helga.