Jul på sunnmørsk

19. desember, kl. 19.00, Salen, Aasentunet

Jul på Sunnmørsk. Foto: Peder Otto Dybvik.

Jul på sunnmørsk garanterer god julestemning når dei kjem tilbake til Aasentunet i desember! 

Igjen får vi høyre gode gamle slagarar som «Det ekje snøv» og «Romjulsdrøm» i eit forrykande tempo –  og nokre nye julesongar. 

Jul på sunnmørsk har tatt for seg den finaste amerikanske julemusikken og gjendikta tekstane til sunnmørsdialekt. På sunnmørsk blir «Let it snow, let it snow, let it snow» til «Det ekje snøv, det e sludd, det e regn». Og «Walking in a Winter Wonderland» har fått tittelen «Julestemning veks ikkje på tre». Det blir swing, humor og halsbrekkande improvisasjonar, men også fintfølande og stemningsfull julemusikk. 

Bandet gav ut plata Jul på sunnmørsk i 2018, som blei omtala som «the best Christmas jazz record this side of the millennium» av nettstaden Records.Christmas. 

Publikum kan vente seg eit band som osar av speleglede og overskot, leia av ei nydeleg stemme. 

Med i bandet er Siril Malmedal Hauge (vokal), Sondre Ferstad (munnspel), Kjetil Jerve (piano), Martin Morland (bass) og Henrik Lødøen (trommer). 

Konserten startar kl. 19.00. Museet er ope frå kl. 18.00.

Type:
Konsert

Tid:
19. desember, kl. 19.00

Stad:
Salen, Aasentunet