Seminar: Språklæring for dei minste

Fredag 26. april er det gratis seminar i Aasentunet. Seminaret er meint som fagleg påfyll for tilsette i barnehagar og  studentar. Programmet byr på ei god blanding forsking, nyttig metodikk og konkrete tips som kan nyttast i eige virke.  

Seminaret er i Salen i Aasentunet med 100 sitjeplassar. Vi har løpande påmelding via eiga lenke.  

Vi serverer frukt, kaffi og te ved ankomst.  

Vi har også tilbod om lunsj, wrap kylling/vegetar til 139 kroner. Du registrerer lunsj i påmeldingsskjemaet.  

Kafeen i Aasentunet har sal av enkle kioskvarer og butikken har gode tilbod på  bøker og bokpakkar til målgruppa. 

Vi gler oss til å ønske dykk velkomne til ein inspirerande dag i tunet!

Program 09:45-14:00 Språklæring for dei minste 

09:45    Registrering 

10:00 Formidlar Ida Karin Aa. Kornberg ønsker velkomen  
Barnehagen – grunnmur og springbrett for språklæring 
Nynorsksenteret ved Anne Marta V. Vadstein 

10.45 Song og musikk i barnehagen  
ved Hildegunn Hovde 

11:15 Lunsj, vandring i museet og butikken  

12:15 Ørsta Mållag ved Ingebjørg Røyrhus Øyehaug
Mållaget si satsing i barnehagane 

Lurivar-klubben og nynorsk i Ørsta-barnehagane
Dalane barnehage presenterer Lurivar-klubben. Lurivar-klubben syng deretter songar frå den lokale songskatten.    

12.45 Om språk- og tekstkvardagen i barnehagen:
Funn frå Multilit, ved Gudrun Kløve Juuhl.  

13.30  Nyare barnebøker på nynorsk
Nynorsksenteret presenterer nye biletbøker ved Heidi Fagna og Ingvild Myklebust Hovden 

14.00 Avslutning

Seminaret er gratis