Høgtlesing: Pølsetjuven
Denne søndagen blir det høgtlesing av boka Pølsetjuven som er skriven av Marianne Gretteberg Engedal. Det er tilsette ved Vinjesenteret som les frå boka. Gretteberg sjølv kunne diverre ikkje kome, vi beklagar dette.
Boka handlar om ni år gamle Kjell, som er fødd inn i ein tjuvefamilie, men som ikkje vil vera tjuv slik som dei andre i familien er. Pølsetjuven handlar om å finne ut kven ein eigentleg er, og om å tore å leve slik ein ynskjer.
Marianne Gretteberg Engedal (f. 1986) er illustratør og barnebokforfattar frå Hallingdal. Pølsetjuven er den fyrste boka hennar, og med den vann ho både Kulturdepartementet sin biletbokpris og Nynorsk barnelitteraturpris i 2019.
