Poet Martin Ingebrigtsen blei tildelt Hauge-stipendet under opninga av Poesifestivalen i Ulvik fredag 13. september for den lyriske forfattarskapen sin. – I grunngjevinga har juryen lagt vekt på det leikne og utprøvande i poesien hans, sa juryleiar Pedro Carmona-Alvarez under utdelinga.
Forfattar Anne Kleiva og musikar Vilde Tuv legg ut på ein miniturné i Telemark med verket «Solplomme». Fredag 20. september kan du oppleve dei på Lifjell, laurdag 21. september på Telemark kunstmuseum i Notodden og sundag 22. september på Smørklepp kunstmuseum i Vinje.
I haust får Haugeforskinga eit viktig lyft med den nye antologien Her må då ordi koma. Nye lesingar i Olav H. Hauge. Boka vert lansert under Poesifestivalen i Ulvik 13.–15. september.
Arenaleiar ved Haugesenteret, Jorid Lekve Eide, har vore med å arrangera poesifestival i regi av Haugesenteret heilt sidan senteret opna for ti år sidan. Årets festival er hennar aller første som arenaleiar og festivalsjef. – Eg er spent! Eg har vore med lenge, men festivalarbeidet gjev meg alltid ny lærdom og fine overraskingar, seier ho.
Laurdag 24. august feira Haugesenteret 10 år som poesimuseum i Olav H. Hauge si heimbygd. Dette vart gjort med ope museum, kakefest og ein litterær storfest med to framsyningar som tok utgangspunkt i to store poetar frå Hardanger: Olav H. Hauge og Jon Fosse.
Laurdag 31. august og søndag 1. september inviterer Aasentunet til arkitekturhelg for å markere at det er 100 år sidan arkitekten Sverre Fehn vart fødd. Alt av program og inngang til museet er gratis denne helga.
Tysdag 13. august under Arendalsuka 2024 inviterer Nynorsk forum fleire aktørar og politikarar til debatt om kva konsekvensar kunstig intelligens og store språkmodellar har for norsk språk.
Journalist, radioprofil og programleiar Arianrhod «Arian» Engebø (30) vil bli heidra med prisen under Litteraturdagane i september.
Litteraturdagane i Vinje blir arrangert for trettande gong, og tema for årets festival er «kraft». Ord som drivkraft, berekraft og kraftutbygging blir utforska i eit rikhaldig festivalprogram under Litteraturdagane 26.–29. september.
Spennande nordisk samtidspoesi, store musikkopplevingar og lansering av ny forsking på Olav H. Hauge si dikting er nokre av høgdepunkta på festivalprogrammet til Poesifestivalen i Ulvik 13.-15. september.
