I episoden møter samtaleleiar Anna Kleiva forfattarane Camara Lundestad Joof og Kristina Leganger Iversen, som har gjendikta to verk av den amerikanske forfattaren Claudia Rankine: «Medborgar» og «Det kvite kortet». 

– Dette opptaket blei spelt inn fredag 29. mai, berre nokre dagar etter at George Floyd blei drepen av politibetjentar i USA, og folk der tok til gatene for å demonstrere mot rasisme og politivald. Denne samtalen har difor blitt endå meir aktuell enn vi først trudde, i og med at diktinga til Claudia Rankine nettopp handlar om spørsmål kring rasisme, klasse og meir, seier programansvarleg for Dei nynorske festspela, Olav Øyehaug Opsvik, i podkasten.