Haugesamtalen: Litterære slektstre

I Haugesamtalen 2024 samtalar poet Erlend O. Nødtvedt og litteraturforskar Fredrik Parelius om tradisjon og litterære slektstre, draum og forstokking, ljod og meining.

Erlend O. Nødtvedt (f. 1984) er ein poet som er oppteken av språket, i fortid og notid. For Nødtvedt er språket ein berar av verdsbilete. Med slike tankar som utgangspunkt er det kanskje ikkje overraskande at han er kjend for nettopp den nyskapande poesien hans der språket er eit sentralt omdreiingspunkt. Nødtvedt vart tildelt Haugestipendet i 2018.

Fredrik Parelius (f.1991) er stipendiat ved Universitetet i Bergen. Parelius forskar på høvet mellom galskap og lyrikk i forfattarskapen til Hauge, Uppdal og Hofmo. Parelius er med i Nettverket for poetisk tenking og er ein av redaktørane bak den nye Hauge-antologien Her må då ordi koma, Nye lesingar i Olav H. Hauge. Boka vert lansert under årets festival. Parelius var årets Hauge-førelesar under Poesifestivalen i 2022.

Vaksen kr. 200 / Student kr. 100