Arrangement Aasentunet
Oversikt over arrangement i regi av Aasentunet, inkludert arrangement i samband med Festspela. Sjå Opningstider og prisar for informasjon om billettar til utstillinga.
Ingen arrangement
12. mai
kl. 14.00
AASENTUNET
I denne programposten møter skribent og forfattar Jarl Wåge Line Førre Grønstad frå Skeivt arkiv i ein samtale om det å vere skeiv i by og bygd. Korleis var det å vere homofil i by og distriktsNoreg på 80-talet og korleis er det i dag?
FESTSPELA 2023
Onsdag 7. juni
7. juni
kl. 22.00
PEISESTOVA, MØRE FOLKEHØGSKULE
EG HAR ORD er ein humoristisk og musikalsk dokumentarfilm om ord – lyden av ord, meininga av ord, og alt som skjer mellom dette. Gjennom ei personleg forteljing om tilhøyrsle og sakn, undersøkjer regissør og rappartist Runar Gudnason språket sine løyndommar.
Torsdag 8. juni
8. juni
kl. 8.00
IVAR AASEN-STATUEN, ØRSTA
Start dagen på ein annleis måte, og få med deg ein kort tale om den unge Ivar Aasen og arbeidet med norske ordbøker.
8. juni
kl. 11.30-16.00
HØGSKULEN I VOLDA
Ein av dei første store overgangane i liva til borna våre er steget dei tek frå å vere eit barnehagebarn til å vere elev i eit klasserom. Kva skjer med språket til barna i møte med denne nye kvardagen, og korleis møter me desse språkbrukarane på best mogleg måte?
Fagdagen er gratis.
8. juni
kl. 13.00
FJORDSYN, VOLDA
Kari Stai les og fortel frå boka Jakob og Neikob og tidsmaskinen på Fjordsyn i Volda.
8. juni
kl. 16.30
KUNSTHUSET I ØRSTA
Årets festspelkunstnar er Ingebjørg Støyva, som under Festspela stiller ut figurative måleri i Kunsthuset i Ørsta. Utstillinga opnar torsdag 8. juni, og vil hengje til 1. juli.
8. juni
kl. 18.00
SALEN, AASENTUNET
Kva har ein musikar og barnebokforfattar til felles? Runar Gudnason og Kari Stai møtast på scena i Aasentunet for ein samtale om dei kreative prosessane som inngår i skapinga av tekst, nye forteljingar og kreative figurar – og kvifor dei trur på dei naive/barnslege og grenselause ideane.
8. juni
kl. 20.00
SALEN, AASENTUNET
Erlend Apneseth Trio og Erlend Nødtvedt går i lag om ein musikalsk-poetisk konsert som heidrar Olav H. Hauge sine dikt. Med trioen sin sjangerutfordrande folkemusikk, avspeling av Hauge sine eigne høgtlesingar og Nødtvedt sin kreative vri på poesien, blir konserten ei oppleving av dei sjeldne.
8. juni
kl. 23.00
PEISESTOVA, MØRE FOLKEHØGSKULE
Både Erlend O. Nødtvedt og Anna Kleiva har produsert tingingsverk for Nynorsk kultursentrum. Dei vil snakke med forsking– og samlingsleiar Olav Øyehaug Opsvik om kva for uttrykksformer utanfor litteraturen som inspirerer dei til å skrive.
Fredag 9. juni
9. juni
kl. 10.00
VOLDA SAMFUNNSHUS
Har ungdom i dag eit bevisst forhold til kva språk dei les? Har det noko å seie om ei bok vert lesen på originalspråket eller om den er omsett til lesaren sitt eige språk? I denne panelsamtalen vil ungdommar fortelje om deira forhold til språk og litteratur i ei stadig meir globalisert bokverd.
9. juni
kl. 10.45
VOLDA SAMFUNNSHUS
Lydvandring Volda er ei utandørs kulturoppleving der du tek beina fatt. Den tek deg med på ei lydguida vandring i Volda, med historier og opplevingar undervegs.
Alt du treng er ein mobiltelefon og hovudtelefonar.
9. juni
kl. 11.30
SALEN, AASENTUNET
Kvart år presenterer Festspela Ivar Aasen-minneforedraget. Her kan publikum få nye tankar og perspektiv kring ulike spørsmål om tilhøva for nynorsk i dag. Årets seminar er ved direktør i Språkrådet, Åse Wetås. Wetås vil fortelje om om verdien av språk for barn, i tillegg til å trekkje inn det fremste av forsking på og nyhende om nynorsk skriftkultur.
9. juni
kl. 12.00-13.00, dørene opnar 11.30
VOLDA FOLKEBIBLIOTEK
Forfattar Markus Lantto kjem på besøk til biblioteket for å lese og fortelje frå boka Kåre og Marimba hjelper til.
Arrangementet er gratis og passar for barn i alderen 3-6 år.
9. juni
kl. 12.30
BAKK-OLA-MARKA, ØRSTA
Kari Stai les og fortel frå boka Jakob og Neikob og tidsmaskinen for inviterte barnehagar og besøkjande på Aktivitetssenteret Bakk-Ola-marka i Ørsta.
9. juni
kl. 13.00
SALEN, AASENTUNET
Bli nærare kjend med årets vinnar av nynorskprisen for journalistar! Speljournalist Øystein Furevik i gamer.no kjem til Aasentunet for å bli tildelt prisen, som vert overrekt av juryleiar Solveig Barstad. Vi får høyre meir om jobben som ligg bak og kva reaksjonar som kan møte ein nynorskbrukande journalist i denne mediesjangeren.
9. juni
kl. 14.30
SALEN, AASENTUNET
Framtida Junior intervjuar Kristine Magnesen og Jakob Haugset om korleis snakke om vanskelege tema med barn og unge.
9. juni
kl. 15.30
UTSTILLINGA, AASENTUNET
Sigmund Løvåsen les frå den heilt ferske biletboka si Tusen elgar i garasjen (2023). Boka er illustrert av Hilde Hodnefjeld.
9. juni
kl. 16.30
SALEN, AASENTUNET
Korleis arbeider ein barnebokforfattar? Korleis finn ein ut kva som treff målgruppa når ein sjølv er blitt vaksen? Forfattar Kari Stai møter kollega Maria Parr i ein samtale om det å skrive for barn. Samtalen er leia av Ragnfrid Trohaug.
9. juni
kl. 18.00
SALEN, AASENTUNET
Samtale med studentar ved Samlaget og Minotenks Forfattarskule – for skrivande med minoritetserfaring.
Olaug Nilssen leier samtalen.
9. juni
kl. 20.00
STØDT, ØRSTA
Agnes Ravatn og Ruth Lillegraven har noko til felles: Dei har begge flytta heim. Agnes har flytta heim til Sveio, og Ruth har flytta tilbake til Granvin. Korleis blir det å skrive og skape derifrå?
9. juni
kl. 23.00
PEISESTOVA, MØRE FOLKEHØGSKULE
Arild er glad i progrock og svartmetall, August er glad i hiphop, og båe to elskar sjølvsagt Ivar Medaas. Med utgangspunkt i godbitar frå platesamlingane sine skal dei to lose publikum gjennom ein kveld med artige anekdotar og varierte kviss-spørsmål. Det vert truleg akkurat passe vanskeleg, og akkurat passe gøy.
Laurdag 10. juni
10. juni
kl. 10.00
GÅGATA, ØRSTA
Festspelfrukost og Festsprell i Ørsta!
10. juni
kl. 10.30
FRU SVENDSEN, ØRSTA
I biletboka Ylva og villgeitene skriv Hilde Myklebust om å vere modig når nokon treng hjelp, men også om å bry seg om alt levande som finst i naturen ikring oss. Hilde les og fortel frå boka. Etterpå får ho besøk av sjølvaste Lurivar, som gjerne vil synge ein song eller to.
10. juni
kl. 11.00
HOVUDTELTET, VOLDAMARKNADEN
Nynorsk kultursentrum og Nynorsksenteret har produsert den nye venskapssongen “Kom som du er”, som mane barn kjenner frå skulen. Bli med på minikonsert!
Arrangementet er gratis, er ein del av Festspela og opnar Kyst- og marknadsdagen i Volda. Festspela deler også ut bollar og rebus til barna.
10. juni
kl. 13.00
ROMEDALEN, ØRSTA
Forfattar Anna Kleiva og musikar Vilde Tuv skal ha urframsyning av Tingingsverket til Festspela 2023. Verket blir framført utandørs, ved sætra inst i Romedalen. Det er mogleg å ta seg heilt fram med bil eller ta det som ein fottur. Arrangementet passar for folk i alle aldrar. Opplev noko heilt unikt i vill natur!
10. juni
kl. 14.00
UTSTILLINGA, AASENTUNET
Brynjulf Jung Tjønn les frå boka Kvit, norsk mann (2022), ei samling vonde og kloke dikt om norsk oppvekst og norsk rasisme.
10. juni
kl. 14.30
SALEN, AASENTUNET
Korleis skrive historia til nokon som ikkje kan skrive ho sjølv? Forfattarane Olaug Nilssen og Erlend Skjetne har på ulike vis stått overfor denne problemstillinga i forfattarskapa sine. I denne samtalen vil dei drøfte kva det vil seie for dei å skrive på vegner av barnet.
10. juni
kl. 15.45
SALEN, AASENTUNET
Illustrerte barne- og ungdomsbøker har hatt eit stor oppsving dei siste åra. Illustrasjonar kan bidra med å utdjupe og leggje til perspektiv i ein litterær tekst. Men i kor stor grad skaper illustrasjonane ei forteljing? Tradisjonelt sett er teksta i førarsetet og bileta følgjer teksta, men er vi inne i eit skifte? Og korleis jobbar forfattarar som illustrerer eigen tekst?
10. juni
kl. 17.00
SALEN, AASENTUNET
Forfattarsamtale med festspeldiktar Kari Stai. Samtalen er leia av Brynjulf Jung Tjønn.
10. juni
kl. 18.00
UTSTILLINGA, AASENTUNET
Olaug Nilssen les frå boka Yt etter evne, få etter behov (2020).
10. juni
kl. 18.30
UTSTILLINGA, AASENTUNET
Studentar frå Samlaget og Minotenks forfattarskule for skrivande med minoritetserfaring les frå eigne tekstar.
10. juni
kl. 20.00
UTEAMFIET, AASENTUNET
Nynorsk kultursentrum ønskjer velkomen til ei spesiell stund i flotte omgjevnadar i Uteamfiet i Aasentunet med ein av Noregs viktigaste artistar i løpet av snart 50 år.
10. juni
kl. 23.00
PEISESTOVA, MØRE FOLKEHØGSKULE
På Målbar laurdagskvelden vil Erlend Skjetne fortelje om korleis og kvifor han gav stemme til tenåringar på flyktningmottak. Mohammad Noman Rasully samtalar med Erlend Skjetne og Guro Kristin Gjøsdal frå Nynorsksenteret om korleis han som NATO-flyktning frå Afghanistan har opplevd møtet med Noreg.
Søndag 11. juni
11. juni
kl. 13.00
SALEN, AASENTUNET
Kari Stai sine bøker er populære blant både barn og vaksne. I dette familiearrangementet skal ei gruppe ivrige lesarar frå tredje klasse på Øyra skule intervjue festspelforfattaren på scena i Aasentunet.
11. juni
kl. 14.15
UTEAMFIET, AASENTUNET
Forfattar Olaug Nilssen held den tradisjonsrike stemnetalen for både vaksne og barn. Sigrid Moldestad & Regndråpeorkesteret leverer eit leikande eventyr i konsertform.
8. juni–11. juni
Festspelpass
Møt aktuelle forfattarar. Nyt konsertar ute i amfiet. Opplev teater, litteratur, musikk og kunst i Ørsta og Volda. Et god mat. Møt trivelege folk. Ver velkomne til Festspela! Passet kostar kr 1900.
Skulearrangement
6. juni–9. juni
SKULAR I ØRSTA OG VOLDA
Forfattarbesøk med Sunniva Berg, Ingunn Røyset og Kari Stai.
7. juni
kl. 11.00
ØRSTA FOLKEBIBLIOTEK
Nynorsk kultursentrum, Ørsta mållag og Ørsta folkebibliotek inviterer til barnebokbadar-kurs for inviterte. Kurset er leia av Svein Olav Langåker.
8. juni
kl. 11.00
SALEN, AASENTUNET
I år har vi gleda av å opne Festspela saman med inviterte skuleklasser i Aasentunet.
