Han var med og omsette Bibelen til nynorsk, skreiv ei forklaring til Luthers katekisme, dikta den norske fedrelandssongen og den nordnorske nasjonalsongen, og hadde mykje å seie for at Stortinget jamstelte det nye skriftspråket med det ”almindelige Bogsprog” i 1885.

Elias Blix tok mål av seg til å skape salmar til kvar einaste søndag i kyrkjeåret og på denne måten få til ei nynorsk salmebok. I alt skapte han over 200 salmar – 130 eigne, resten gjendiktingar. Mest alle salmane skreiv han til kjende melodiar for at dei skulle vere lette å syngje og lette å hugse. Slik blei han også den første bestseljaren på nynorsk. Då han døydde i 1902, var salmane hans spreidde i over 200 000 eksemplar.