Vikariat som vertskapsansvarleg ved Haugesenteret

Er du glad i å møta nye menneske og få gjestar til å kjenna seg velkomne? Vil du vera med å leggja til rette for gode kulturopplevingar for eit variert publikum? Nynorsk kultursentrum, musea for skriftkultur har ledig vikariat (80%) som vertskapsansvarleg ved Haugesenteret i Ulvik frå 1. mai til 31. august (med mogleg forlenging).  

Som vertskapsansvarleg i Haugesenteret står du for dagleg drift av resepsjon og museumsbutikk. Du tek imot gjester i museet, held omvising i utstillinga og koordinerer førespurnadar for gruppebesøk. Marknadsføring av museumstilboda våre og kulturprogram i ulike medium ligg også til stillinga.  

Me ser etter deg som set gjestene våre i sentrum, og gjev dei gode og trygge opplevingar i møte med oss. Du er strukturert, vane med digitale reiskapar og har forståing for grunnleggjande økonomisk og administrativt arbeid. Interesse for lyrikk, litteratur og språk kjem godt med.  

Aktuell utdanning kan vera frå kultur, administrasjon, publikumskontakt, sal eller marknadsføring. Erfaring med kassasystem, oppgjer og varebestilling er ein fordel. 

Stillinga (vikariatet) er ledig frå 1. mai til 31. august, med mogleg forlenging. Den som vert tilsett må rekna med noko helgearbeid, særskild i mai månad.  

Alle nye medarbeidarar får grundig opplæring. Hos oss nyttar alle nynorsk i skriftleg kommunikasjon. Nynorsk kultursentrum er medlem i arbeidsgivarorganisasjonen Virke og tilbyd ein idémyldrande bedriftskultur, engasjerte kollegaer, medlemskap i Statens pensjonskasse, avtalefesta pensjon, gruppelivsforsikring. Løn etter avtale.  

For meir informasjon om stillinga kontakt arenaleiar Jorid Lekve Eide, tlf 41 04 44 49 og e-post: jorid.lekve.eide@nynorsk.no 

Send søknad med CV snarast til stilling@nynorsk.no.Hugs å ta med fullt namn, fødselsår, bustad og noverande stilling eller yrkestittel i søknaden.    

Nynorsk kultursentrum, musea for skriftkultur, er ein kulturinstitusjon som gjennom vitskap og kunst formidlar nynorsk for hjarte og hovud til heile landet. Me har over 25 tilsette som arbeider frå Haugesenteret i Ulvik, Vinjesenteret i Vinje og Aasentunet i Ørsta. I tillegg har me mange samarbeidspartar i heile landet og når om lag 100 kommunar kvart år med arrangement og utstilling. Våre kjerneoppgåver er formidling, forsking og samling ved arenaene våre, turnear og digitalt 

Behandling av personopplysningar i samband med rekruttering  
Søkarar på stillingar i Nynorsk kultursentrum sender søknad, cv og personopplysningar til e-postadressa stilling@nynorsk.no. Det er berre ein person i organisasjonen som har tilgang til denne og behandlar opplysningane som kjem inn der.   

Når søknadsfristen er ute blir det laga ei søkarliste med følgjande informasjon om kvar kandidat til stillinga: Namn, bustadkommune, fødselsår, noverande arbeidsstad og høgaste utdanning. Desse opplysningane blir lagra etter at tilsetjingsprosessen er over. All anna personinformasjon (søknad, cv og kontaktdata) blir sletta etter at tilsetjinga er gjennomført.   

Nynorsk kultursentrum har offentlege søkarlister. Om du ikkje skal stå på ho, må du be om unntak i søknaden. Du vil eventuelt få dette innvilga frå administrasjonen. Dei offentlege søkarlistene inneheld namn, bustadkommune, fødselsår og noverande stillingstittel.   

Det blir utnemnd eit tilsetjingsutval med inntil tre personar for kvar tilsetjing. Den som har personalansvaret for stillinga leiar dette utvalet. Utvalet har teieplikt om alt som kjem fram i tilsetjingsprosessen.   

Nynorsk kultursentrum verken kartlegg eller lagrar sensitive personopplysningar. Vi sender heller ikkje vidare noko informasjon om søkarar utan samtykke frå kandidaten.   

Dine rettar etter personopplysningsloven  
Alle har rett til generell informasjon om korleis Nynorsk kultursentrum behandlar opplysningar. Alle personar vi har registrert personopplysningar om, har rett på innsyn i det som er registrert om ein. Om desse opplysningane er feil, kan du krevje at dei blir retta eller sletta.