Nynorsk.no / Haugesenteret / Arrangement Haugesenteret
Arrangement Haugesenteret
Oversikt over arrangement i regi av Haugesenteret, inkludert arrangement i samband med Poesifestivalen. Sjå Opningstider og prisar for informasjon om billettar til utstillinga.
Fleire arrangement kjem til hausten
25. mai
kl. 21.00
HAUGESENTERET
Oddny er nykommarbandet frå Bremanger som kjem som ein rakett i 2024. Denne blømingslaurdagen i Ulvik får me høyra om vestlandsbygdisens møte med byen, om våte kveldar med våte sko, jakta på kjærleiken og draumar om livet.
POESIFESTIVALEN 2024
12. september
kl. 19.00
LITTERATURHUSET I BERGEN
Poesifestivalen tjuvstartar årets festival med langlesing av Hauge sitt gjennombrotsverk På Ørnetuva. I Bergen, med byen sin store poet Cecilie Løveid!
13. september
kl. 20.30
ELVATUN
Ævestaden foreinar gamle salmar og folketonar med moderne elektronisk knitring. Poesifestivalen ser fram til ein konsert der tida står bitte litt stille, i festivalen si storstove Elvatun.
13. september
kl. 22.00
KONGRESSEN
Ei musikalsk hylling av den store songlyrikaren Joni Mitchell med gjendiktingar av Frode Grytten, Agnes Ravatn, Linda Eide, Marit Eikemo og Ragnar Hovland.
14. september
kl. 10.00
ELVATUN
I Haugesamtalen 2024 samtalar Erlend O. Nødtvedt og Ingrid Nielsen om tradisjon og litterære slektstre, draum og forstokking, ljod og meining.
14. september
kl. 15.00
KONGRESSEN
Systerspel er ei framsyning om spelekvinner. Å spela fele var for menn, har ein alltid trudd. Benedicte har dei siste åra stått på mange scener rundt om i verda. No er me svært glad for at ho tek turen heim til Hardanger og til Poesifestivalen!
14. september
kl. 22.00
KONGRESSEN
Stein Torleif Bjella er musikaren og rimsmeden frå Hallingdal som skildrar Bygde-Noreg med melankoli og humor. Bjella skriv om det håplause, om det å feila, om eit sinn som er svartare enn svart. Livet vert ikkje betre, det er berre den gamle månen der oppe, nymåne eller ei.