Virusutbrotet gjer at Dei nynorske festspela i Ivar Aasen-tunet, Ørsta og Volda vert avlyst. – No planlegg Nynorsk kultursentrum i staden eit digitalt tilbod utover våren og sommaren, og nye opplevingar til hausten, seier direktør Per Magnus F. Sandsmark.
Her på den nye nettsida vår publiserer no kunstnarar som Jon Fosse, Jens K. Styve, Hilde Myklebust, Linda Eide og Marit Eikemo nytt kunstnarisk innhald som passar til tida vi er i, under overskrifta «Aleine saman».
Vinnarar av diktkonkurransen «Aleine saman» Det kom inn imponerande mange bidrag i konkurransen i høve verdas poesidag, og juryen har hatt både ein kjekk og vanskeleg jobb.
I samband med verdas poesidag 21. mars inviterer Nynorsk kultursentrum til diktkonkurranse. Tema for diktkonkurransen er korona-pandemien, i vid forstand.
Nynorsk kultursentrum har fleire digitale ressursar for barn og unge som er fritt tilgjengelege og som er enkelt å ta i bruk.
Høyr podkasten frå Lytt til lyrikken med Anna Kleiva og Frida Ånnevik frå Bergen Offentlege bibliotek.
Dersom styresmaktene lukkar auga på same måte som ved kommunereforma for 50 år sidan kan det kulturelle og språklege mangfaldet i Noreg bli svekka.
– Norsk språk og litteratur treng engasjerte kultur- og kunnskapsministrar som forstår verdien av mangfald. Det har vi fått. Samstundes treng vi rask handling, slik at nynorsk blir ein del av kvardagen til fleire av oss, seier direktør Per Magnus F. Sandsmark i Nynorsk kultursentrum.
I 2019 auka det digitale gjestetalet til Nynorsk kultursentrum med 15 prosent. Nynorsk kultursentrum spreier kunnskap om nynorsk på ti nettstader og i sosiale medium.
32 062 besøkande gjestar er det tredje høgste gjestetalet sidan 2000 og høgaste besøkstalet Nynorsk kultursentrum har hatt i eit år utan Ulvik poesifestival, som blir arrangert annan kvart år.
