Ukategorisert

Litteraturdagane og Bøker i Bø har saman med Telemarksforsking og Høgskolen i Innlandet forska på korleis folk syntest det var å vera med på digitale festivalar i koronaåret 2020.

Nynorsk kultursentrum presenterer ny logo og visuell profil. Fornyinga gir arbeidet til stiftinga ein meir moderne identitet.

Nynorsk kultursentrum er glade for at Abid Q. Raja har lagt fram ei barne- og ungdomskulturmelding som peiker på eigne tiltak for meir kulturtilbod på nynorsk, samiske språk, norsk teiknspråk og kvensk.

Møre og Romsdal har ikkje eit eige litteraturhus, men mange hus som kan fyllast av litteratur. Prosjektet Litteraturhus i Møre og Romsdal er godt i gang, og 10.–12. mars besøkjer forfattar Tore Renberg biblioteka i Brattvåg, Giske, Ulstein, Vanylven og Ålesund.

Festspela blir gjennomført 10.–13. juni 2021 med festspeldiktar Sigmund Løvåsen. Nynorsk kultursentrum og Aasentunet legg planar innanfor gjeldande rammer og omsyn til smittevern, og lovar ei trygg oppleving.

Nynorsk kultursentrum gjekk med overskot, trass i stor nedgang i kommersielle inntekter i 2020. – Nynorsk kultursentrum har klart å skape tilbod som fremjar nynorsk skriftkultur lokalt, nasjonalt og digitalt innanfor vanskelege rammer i heile 2020, seier styreleiar Lodve Solholm.

Gjennom prosjektet «Litteraturhus i Møre og Romsdal» vil Nynorsk kultursentrum og Bjørnsonfestivalen gi folk i heile fylket gode litteraturopplevingar. Den første turneen startar 2. mars – då skal forfattar Ruth Lillegraven besøkje Volda, Fjord og Stranda kommune.

I dag la familie- og kulturkomiteen på Stortinget fram innstilling til språklova. – Stortinget ser godt kva nynorskbrukarane treng, men fleirtalet lét vere å gjere avgjerande lovendringar som hadde styrkt nynorsken, seier direktør Per Magnus Finnanger Sandsmark i Nynorsk kultursentrum.

Aasentunet byggjer om resepsjonsområdet i perioden 19. februar til 15. mars. I samarbeid med Hille Strandskogen Arkitekter er det lagt planar for ei opnare løysing.

Nynorsk kultursentrum lanserer satsinga nynorske pilotbibliotek for å gjere nynorsk synlegare sør og aust i Noreg. – Vi vil samarbeide med biblioteka om å formidle nynorsk kultur og litteratur, seier direktør Per Magnus Finnanger Sandsmark.