Nynorsk kultursentrum får toppkarakter på alle punkt i Kulturdirektoratet si vurdering av musea i Noreg i 2022. – Dette viser at det gode og systematiske arbeidet dei tilsette gjer, blir lagt merke til. Slike resultat kan vi berre oppnå med tilsette med stort engasjement, vilje til å løyse utfordringar og solid kunnskap, seier konstituert direktør Gaute Øvereng.
Strålande sommarvêr la rammene for ei fantastisk festivalhelg, med eit variert og innhaldsrikt program og høg kunstnarleg kvalitet. Laurdag kveld fekk nærmare 650 gjestar oppleve ein magisk konsert med Bjørn Eidsvåg i Uteamfiet i Aasentunet.
Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nationaltheatret. Nynorsk kultursentrum var snare med å melde seg på.
Det var ein glad Svein Olav Langåker som tok i mot prisen Årets nynorskbrukar 2023 på vegner av Framtida Junior, under fagseminaret til Festspela torsdag 8. juni. Framtida Junior fekk prisen for å bryte veg for meir nynorsk på digitale medieflater og for å skrive om varierte emne for 7–13-åringar.
No er endå meir av Festspel-programmet klart. Dei nye, store namna som står på plakaten er Agnes Ravatn, Ruth Lillegraven, Vilde Tuv, Anna Kleiva, Erlend Apneseth og Erlend Nødtvedt.
Aasentunet inviterer til Festspela 8.-11. juni. Møt kjende namn som Kari Stai, Maria Parr, Runar Gudnason, Brynjulf Jung Tjønn og Olaug Nilssen. Opplev konsertar med mellom anna Sigrid Moldestad & Regndråpeorkesteret og Bjørn Eidsvåg. Årets Festspel har fleire arrangement både for og med barn og unge enn tidlegare.
Nynorsk kultursentrum ber om nominasjonar til kven som bør få prisen «Årets nynorskbrukar» for 2023. Prisen blir som tidlegare år delt ut under Festspela, som i 2023 har temaet «Barnet». Alle som vil kan føreslå kandidatar til prisen.
Laurdag 10. juni 2023 kjem Bjørn Eidsvåg til Ørsta for å spele under Festspela. Aasentunet har lagt ut konsertbillettar og festspelpass for sal.
Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle bøkene. Forskar Stine Stennes Hovdenakk og bibliotekar Siri Beate Gjerde har funne ukjent informasjon om både Aasen og arbeidet hans. Dei 1 000 første bøkene er denne veka tilgjengeleg på digitaltmuseum.no.
For første gong var heile familie- og kulturkomiteen i Stortinget på besøk til Nynorsk kultursentrum i Aasentunet. – Kvart år byrjar over 7 000 fyrsteklassingar med nynorsk som førstespråk. Det er eit av dei største mindretalsspråka i Europa. For at det skal halde fram må me ha både vitskap og kunst, sa styreleiar Reidar Sandal til stortingspolitikarane.
Nynorsk kultursentrum gjennomfører ei årleg brukarundersøking. Målet er å kartleggje korleis nettstaden blir brukt og opplevd, og å bruke denne informasjonen til å kunne tilby best mogleg digitale tenester.
Opplysningane vi samlar inn, blir berre brukte i samband med denne undersøkinga.
Undersøkinga tek om lag 2–4 minutt å svare på.
