Onsdag 11. mai inviterer Aasentunet til skeiv kulturkveld med føredrag og forfattarsamtale. Arrangementet er i samband med Skeivt kulturår og vert arrangert i samarbeid med Bygdepride.
Nynorsk kultursentrum deler ut prisen for Årets nynorskbrukar til miljøaktivist og forfattar Gaute Eiterjord for å setje dagsordenen i klimasaka på nynorsk. Prisen vert delt ut under Festspela 9. juni i Aasentunet.
For første gong på tre år planlegg Aasentunet for festspel i full storleik. No er størsteparten av programmet offentleggjort, der mellom anna Ine Hoem og Edvard Hoem står for opningskonserten.
– Å vere frivillig under Festspela er ei unik anledning til å knyte nye kontaktar og dele gode kulturopplevingar med andre, seier Oddny Nupen Aarflot, frivilligansvarleg for Festspela 2022.
Frode Grytten, Hildegun Riise og Aasmund Nordstoga er nokre av utøvarane som gjestar årets Litteraturdagar. Det er 125 år sidan den store diktaren frå Vinje vart født, og Vesaas-året blir markert med ei rekkje arrangement under festivalen 25.–28. august.
Onsdag 13. april kjem Roald Kaldestad med band til Aasentunet for å halde familiekonsert med humor, fart, spenning og mykje tøff musikk.
I veke 13 kjem brageprisvinnar Erlend Skjetne til Sunnmøre for å halde føredrag om boka Eit anna blikk, ei forteljing frå eit flyktningmottak i Nord-Noreg. Ein kan få med seg føredraget ved Sykkylven bibliotek, og utvalde skuleklasser får sjå føredraget i samarbeid med Stranda folkebibliotek og Herøy folkebibliotek.
Laurdag 26. mars kjem Teatret Vårt med Haugtussa til Aasentunet. Arne Garborg sin tekst og Edvard Grieg sin musikk er kvar for seg ei stor oppleving. I framsyninga som Teatret Vårt tek med til Aasentunet komande laurdag, er dei sett saman til eit sjeldan møte med begge, der teksten og musikken spelar på lag.
Måndag 21. mars, på den internasjonale poesidagen, kjem journalist og politisk kommentator i NRK, Magnus Takvam til Ulvik for å presentere biografien Hun skrev for å kunne leve – Min mor, Marie Takvam.
På den internasjonale poesidagen, 21. mars, tek Idun Losnegård og Teater Vestland med seg unike tolkingar av Jakob Sande til Aasentunet.
