Haugesenteret og Hardanger folkemuseum heidrar den allsidige poeten Per Olav Kaldestad med ein plass på Diktarstien. Prisutdelinga finn stad på Hardanger folkemuseum sundag 9. juni kl. 13.00.
Haugesenteret har motteke mange fine dikt frå barn og ungdomar i Hardanger, Rogaland og Agder i høve diktkonkurransen knytt til Verdas Poesidag. Tusen takk til alle som har sendt oss dikt!
– I eit krevjande år for dei tilsette i Nynorsk kultursentrum er det fantastisk å sjå korleis arbeidet vårt når gjester, brukarar og samarbeidspartnarar i heile Noreg, seier direktør Olav Øyehaug Opsvik.
13.–15. september inviterer Haugesenteret igjen til poesifestival i Ulvik. Cecilie Løveid og Gunnar Wærness kjem med ny lyrikk. Publikum får også fleire musikalske opplevingar, mellom anna heiderkonserten “Heim med Joni” og Stein Torleif Bjella.
Ein kan elska alt mogeleg: Ein person, eit kjæledyr, ein stad, musikk, litteratur og anna. I samband med Verdas poesidag 21. mars inviterer Haugesenteret til diktkonkurranse med nettopp kjærleik som tema. Me håpar nettopp DU har lyst å bli med!
Litteraturhus i Møre og Romsdal går frå prosjekt til fast finansiering etter vedtak i Kultur- og Folkehelseutvalet, Møre og Romsdal Fylkeskommune 6.2.
Olav H. Hauge-stipendet på heile 150 000 kroner blir tildelt ei diktarrøyst under 40 år, som har utmerkt seg med eit poetisk talent som lyrikar, tekstforfattar eller songpoet. Stipendet blir delt ut under opninga av Poesifestivalen fredag 13. september 2024.
Vil du leie og utvikle forskings- og samlingsarbeidet til Nynorsk kultursentrum, musea for skriftkultur?
Nynorsk kultursentrum, musea for skriftkultur, er frå januar medlem av Museumsnettverk for kvinnehistorie. Føremålet til nettverket er å «arbeide for at kvinnenes historie blir ivaretatt innenfor museenes forvaltnings- og formidlingspraksiser».
Etter at Ivar Aasen døydde i 1896 kom alle dei etterlatne eigedelane til fødestaden Åsen i Ørsta. No er heile boksamlinga hans på 2500 bøker og skrifter gått gjennom, registrert, fotografert og publisert på nettstaden DigitaltMuseum. Med det er endeleg heile denne nasjonale skatten etter Aasen tilgjengeleg for alle interesserte.
