Nynorsk kultursentrum ber om nominasjonar til kven som bør få prisen «Årets nynorskbrukar» for 2023. Prisen blir som tidlegare år delt ut under Festspela, som i 2023 har temaet «Barnet». Alle som vil kan føreslå kandidatar til prisen.
Laurdag 10. juni 2023 kjem Bjørn Eidsvåg til Ørsta for å spele under Festspela. Aasentunet har lagt ut konsertbillettar og festspelpass for sal.
Felles kjærleik til musikk, Sunnmøre og julestemning er bakgrunnen for jazzgruppa Jul på Sunnmøre. Saman tolkar dei gamle og nye, kjende og mindre kjende julesongar på klingande sunnmørsdialekt.
Laurdag 10. desember blir det jolestemning på Vinjesenteret og Vinjar gjennom heile ettermiddagen og kvelden. – På dagtid skal me ha joleverkstad, høgtlesing og jolesongar på Vinjesenteret. På kvelden blir det ein stemningsfull jolekonsert på Vinjar, fortel barne- og ungdomsformidlar Drifa Gudmundsdottir.
24 barnehagar og over 300 barnehagebarn frå både Møre og Romsdal og Vestland fylke har bidratt til årets barnekunstutstilling i Aasentunet. I løpet av den første veka i advent har dei fleste av desse barnehagane vore på besøk i tunet for å vere med på opninga av utstillinga.
Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle bøkene. Forskar Stine Stennes Hovdenakk og bibliotekar Siri Beate Gjerde har funne ukjent informasjon om både Aasen og arbeidet hans. Dei 1 000 første bøkene er denne veka tilgjengeleg på digitaltmuseum.no.
Geir Netland flytta til Ulvik i 2013 og vart arenaleiar ved Haugesenteret. Til våren vert han pensjonist. Stillinga som arenaleiar er lyst ut, med frist i midten av november.
Sparebanken Vest gav 1. november ei tidleg julegåve til nynorskungar på heile Vestlandet. Nynorsk kultursentrum får 100 000 kr til å feire 100 år med nynorske biletbøker for born saman med ungar frå Rogaland i sør til Møre og Romsdal i nord.
Me krev betre tiltak for å sikre vaksenopplæring på nynorsk for innvandrarar og betre kulturtilbod på nynorsk i desse områda, seier Svein Olav Langåker, dagleg leiar i LNK Nynorskkommunane.
I haust inviterer Haugesenteret til både litterære samtalar, familiedag og jolekonsert i Ulvik kyrkje.
