Maria Fet

Gjennom prosjektet «Litteraturhus i Møre og Romsdal» vil Nynorsk kultursentrum og Bjørnsonfestivalen gi folk i heile fylket gode litteraturopplevingar. Den første turneen startar 2. mars – då skal forfattar Ruth Lillegraven besøkje Volda, Fjord og Stranda kommune.

I dag la familie- og kulturkomiteen på Stortinget fram innstilling til språklova. – Stortinget ser godt kva nynorskbrukarane treng, men fleirtalet lét vere å gjere avgjerande lovendringar som hadde styrkt nynorsken, seier direktør Per Magnus Finnanger Sandsmark i Nynorsk kultursentrum.

Aasentunet byggjer om resepsjonsområdet i perioden 19. februar til 15. mars. I samarbeid med Hille Strandskogen Arkitekter er det lagt planar for ei opnare løysing.

Nynorsk kultursentrum lanserer satsinga nynorske pilotbibliotek for å gjere nynorsk synlegare sør og aust i Noreg. – Vi vil samarbeide med biblioteka om å formidle nynorsk kultur og litteratur, seier direktør Per Magnus Finnanger Sandsmark.

Vestland fylkeskommune tek over ansvaret for Fylkesleksikon for Sogn og Fjordane med om lag 7000 lokalhistoriske artiklar.

108 ordførar i fylke og kommunar med nynorskelevar har skrive brev til Google og krev nynorskversjonar av program som er mykje i bruk i skulen.

I januar–mars er alle 5.–7. klassene i Volda og Ørsta inviterte til Aasentunet og eit nytt tilbod i Den kulturelle skulesekken frå Nynorsk kultursentrum. 20 engasjerte elevar frå 7. klasse ved Bratteberg skule i Volda fekk vere med på premieren 18. januar.