I år er temaet for Litteraturdagane «Motkultur», med fokus på motmakt og nynorsk presse.
– Me ynskjer å tematisere dei forteljingane som ikkje får omtale, eller som må kjempe for ein plass i den offentlege samtalen, seier arenaleiar Petra Helgesen.
Styret i Nynorsk kultursentrum har gjort avtale med Per Magnus F. Sandsmark om at han går av som direktør med verknad frå 24.4.2023.
27. april fyller ensemblet Perleskum Vinjar med fengjande og smektande feler, tuba, piano og folkesong. Initiativtakar til dette musikalske samarbeidet er felespelar, folkemusikar og komponist Jorun Marie Kvernberg, og med seg på scenen har ho folkesongar Unni Boksasp, tubaist Lars Andreas Haug og pianist Dag-Filip Roaldsnes.
No er endå meir av Festspel-programmet klart. Dei nye, store namna som står på plakaten er Agnes Ravatn, Ruth Lillegraven, Vilde Tuv, Anna Kleiva, Erlend Apneseth og Erlend Nødtvedt.
«Kom som du er» er ein leiken og fengjande song på nynorsk. Få med deg venar, klassa eller skulen og øv inn både songen og den tilhøyrande dansen.
Heidi Lund Berg (35) flytta frå Bergen til Børsheim Gard i Ulvik med mann og born i 2020. No har ho tatt over stafettpinnen som vertskaps- og programansvarleg etter Jorid Lekve Eide som frå 1. mai er ny arenaleiar ved Haugesenteret
– Poesi er ei kunstform som ofte reflekterer over sambandet mellom det menneskelege og det dyriske, seier Stein Arnold Hevrøy. Han er ein av redaktørane bak boka Om det menneskelege og det ikkje-menneskelege. Ti tekstar om lyrikk.
Aasentunet inviterer til Festspela 8.-11. juni. Møt kjende namn som Kari Stai, Maria Parr, Runar Gudnason, Brynjulf Jung Tjønn og Olaug Nilssen. Opplev konsertar med mellom anna Sigrid Moldestad & Regndråpeorkesteret og Bjørn Eidsvåg. Årets Festspel har fleire arrangement både for og med barn og unge enn tidlegare.
I år er det 40 år sidan Jon Fosse debuterte med romanen Raudt, svart (1983). Framleis gjer forfattarskapen hans seg sterkt gjeldande både i Noreg og ute i verda. På Litteraturhuset i Bergen 1. juni tek symposiet «Det store svevet» føre seg både prosaen, poesien og dramatikken til Fosse.
Regjeringa har lagt fram ny opplæringslov. – Lovframlegget tek ikkje omsyn til at nynorskelevane treng å sjå meir nynorsk i appar og andre digitale læringsressursar i skulen. Stortinget må sørgje for at det vert meir nynorsk i klasseromma, seier direktør i Nynorsk kultursentrum, Per Magnus Finnanger Sandsmark.
