Tilsette, studentar og andre interesserte er velkomne til årleg fagdag om nynorsk skriftkultur. Programmet rommar siste forsking på målformer og språkbyte i skulen, biblioteka si rolle i språkpolitikken, ressursar for norsklærarar og innsikt i korleis bruke arkiv og fagbibliotek som kjelder til å finne svar på bestemte forskingsspørsmål knytte til vitskaplege artiklar eller masteroppgåver.
Nynorskinstitusjonane får mindre del av kulturbudsjettkaka enn før. – Det er synd at nynorskdelen av kulturkronene er mindre. Ambisjonane for nynorsk i 2023 burde vore like store som dei samla ambisjonane for kulturfeltet, seier direktør Per Magnus Finnanger Sandsmark i Nynorsk kultursentrum.
For første gong var heile familie- og kulturkomiteen i Stortinget på besøk til Nynorsk kultursentrum i Aasentunet. – Kvart år byrjar over 7 000 fyrsteklassingar med nynorsk som førstespråk. Det er eit av dei største mindretalsspråka i Europa. For at det skal halde fram må me ha både vitskap og kunst, sa styreleiar Reidar Sandal til stortingspolitikarane.
Under årets Oktoberhelg i Ulvik vert det lesestund med rebusjakt i Haugesenteret. I tillegg blir det lesestund i haustferien med bøkene Knokedunk og Reisa til verdas farlegaste land.
I haust kan publikum glede seg til nye gratisarrangement frå Litteraturhus i Møre og Romsdal. Biblioteka i 13 kommunar på Sunnmøre vil huse til saman 35 arrangement. Det blir mellom anna forfattarmøte, juleframsyningar og høgtlesing for barn.
Poetane Steinar Opstad, Aina Villanger, Einar Økland og Mary Ailonieida Sombán Mari har alle skrive eit originaldikt til årets Poesifestival som vart framført under opninga. Dikta har ei opa tilnærming til festivaltemaet Fri.
Eit begeistra publikum fekk med seg eit variert og innhaldsrikt program under Poesifestivalen 2022. – Sterke lyrikarar og dyktige utøvarar har saman med publikum vore med på gjera dette til ei strålande og minnerik festivalhelg i Ulvik, seier arenaleiar ved Haugesenteret Geir Netland.
— Styrk skulebiblioteka med å føre vidare innkjøpsordninga. Denne ordninga må også gjeve fleire barne- og ungdomsbøker på nynorsk og samiske språk, meiner Nynorsk kultursentrum og 14 andre språk-, bok- og litteraturorganisasjonar i eit opprop i Klassekampen laurdag 10. september.
Lyrikkdebutanten Priya Bains blei tildelt Olav H. Hauge-stipendet under opninga av Poesifestivalen i Ulvik fredag 9. september for diktsamlinga Med restene av mine hender. – Språket til Bains er musikalsk og sanseleg, sa juryleiar Brit Bildøen under utdelinga.
Nynorsk kultursentrum er med i eitt av 82 prosjekt som får støtte frå ordninga for banebrytande forsking i Noregs forskingsråd. Forskarar frå fleire institusjonar skal sjå på ulike forfattarskap, blant anna korleis Tarjei Vesaas og Olav Duun nådde ut i Tyskland, Storbritannia og USA mellom 1900 og 1950.
